დმანისელებმა საპროტესტო აქცია გამართეს
თბილისი.16.05.05.მედიანიუსი. თბილისში, სახელმწიფო კანცელარიის წინ დმანისის რაიონის სოფელ ზემო ოზმანის მოსახლეობამ საპროტესტო აქცია გამართა. აქციის მონაწილეები მათთვის სასოფლო-სამეურნეო დანიშნულების მიწების გადაცემას მოითხოვდნენ და აცხადებდნენ, რომ 2 500 ჰექტარი სასოფლო-სამეურნეო დანიშნულების მიწა შევარდნაძის პერიოდიდან ერთი ადამიანის ხელშია, ხოლო თავად მოსახლეობა მიწის გარეშეა დარჩენილი. მათივე თქმით, მიუხედავად იმისა, რომ ორი წლის განმავლობაში მათ რაიონის ხელმძღვანელობას არაერთხელ მიმართეს, რეაგირება არ ყოფილა და სწორედ ამიტომ იძულებული გახდნენ აქცია უკვე თბილისში გაემართათ.