აფხაზებმა სამი ქართველი გაიტაცეს
თბილისი.19.05.05.მედიანიუსი. გალის რაიონის სოფელ ნაბაკევთან აფხაზებმა სამი ადამიანი გაიტაცეს. ხურჩელები სპარტაკ ჟღერია‚ ზვიად ფარცვანია და არკადი ტაბაღუა აფხაზებს მძევლად ჰყავთ აყვანილი და გათავისულების სანაცვლოდ ორასი ათას დოლარს ითხოვენ. ამის შესახებ აფხაზებმა ერთ-ერთი გატაცებულის ოჯახის წევრს აცნობეს.
ჭუბურხინჯის ტრადიციულ ოთხმხრივ შეხვედრაზე სამეგრელო-ზემო სვანეთის რწმუნებულმა კახა არდიამ აფხაზური მხარისაგან დღეს გამთენიისას გალის რაიონის სოფელ ნაბაკევიდან გატაცებული სამი ქართველის უპირობო გათავისუფლება მოითხოვა.
გატაცების ფაქტს ქართველი სამართალდამცველები ჯართის ბიზნესს უკავშირებენ. ჭუბურხინჯის სხდომაზე აფხაზურმა მხარემ განაცხადა‚ რომ გატაცების ფაქტი ჯართის ბიზნესთან დაკავშირებული კრიმინალური გარჩევების შედეგია.
ზვიად ფარცვანია კომანდოს ბატალიონის წევრია და როგორც ამბობენ‚ მძევლების შორის შემთხვევით მოხვდა. ის კოსოვოში ქართულ სამშვიდობო კონტინგენტში მსახურობდა‚ საიდანაც საქართველოში ერთი კვირის წინათ დაბრუნდა.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
