ბაღდათში საპროტესტო აქციის ორგანიზატორები დააპატიმრეს
ქუთაისი.24.05.05.მედიანიუსი. ბაღდათში ელექტროენერგიის მოთხოვნით გამართული აქციის ორგანიზატორები დააპატიმრეს.
სამართალდამცავები ამტკიცებენ, რომ მათი დაკავება სადისტრიბუციო ენერგოკომპანიის ბაღდათის ფილიალის მომსახურების ცენტრის მენეჯერზე დავით მურადაშვილზე თავდასხმის გამო მოხდა. მოსახლეობა კი მურადაშვილის ფაქტის პროვოცირებაში ადანაშაულებს და აცხადებს‚ რომ მენეჯერი არაკორექტულად იქცეოდა.
სადისტრიბუციო ენერგოკომპანიის იმერეთის ფილიალის ინფორმაციით, მოსახლეობას ელექტროენერგიის მიწოდება დავალიანების გამო შეუწყდა და დენის მიწოდება მხოლოდ ამ თანხის დაფარვის შემდეგ აღუდგებათ.