პროკურატურის შენობიდან მოშიმშილეები გამოაძევეს
ქუთაისი.29.05.05.მედიანიუსი. სამართალდამცავებმა ქუთაისის პროკურატურის შენობაში მოშიმშილეების აქცია დაშალეს.
მკვლელობაში ეჭვმიტანილის, გიორგი ჭეიშვილის ახლობლები პროკურატურასთან შიმშილობდნენ. ისინი ჭეიშვილს უდანაშაულოდ მიიჩნევენ და პატიმრობიდან მის გათავისუფლებას ითხოვენ.
მანამდე პროკურატურამ დაკავებულის ოჯახის წევრებს, აქციის შესაწყვეტად გარკვეული ვადა მისცა, თუმცა ჭეიშვილის ახლობლები პროკურატურის ეზოში შიმშილობას მაინც განაგრძობდნენ.
მეზობლის მკვლელობაში ეჭვმიტანილი გიორგი ჭეიშვილი უკვე მესამე დღეა ქუთაისის იზოლატორში შიმშილობს.