გარემოვაჭრეებმა პარლამენტის შენობის წინ აქცია გამართეს
თბილისი.14.06.05.მედიანიუსი. თბილისში, ბავშვთა სამყაროს მიმდებარე ტერიტორიის გარემოვაჭრეებმა პარლამენტის შენობის წინ აქცია გამართეს და უმაღლესი საკანონმდებლო ორგანოს ხელმძღვანელობასთან შეხვედრა მოითხოვეს.
ისინი გარევაჭრობის აღდგენას ითხოვენ. აქციის მონაწილეები აპროტესტებენ იმ ჯარიმებს, რომლებიც მათ საკანონმდებლო ორგანომ დაუწესა.
პარლამენტის მიერ ადმინისტრაციულ სამართალდარღვევათა კანონში რამდენიმე დღის წინათ შეტანილი ცვლილებების მიხედვით, გარევაჭრობა 50 ლარით ჯარიმდება. გამეორების შემთხვევაში გარემოვაჭრეს 7-დღიანი პატიმრობა ემუქრება.
პარლამენტიდან გარემოვაჭრეებს ჯერჯერობით არავინ შეხვედრია.