გეგუთის კოლონიაში ოსმა პატიმარმა თავი ჩამოიხრჩო
თბილისი.03.07.05.მედიანიუსი. გეგუთის კოლონიის პატიმარმა საკუთარი პერანგით თავი ჩამოიხრჩო.
პატიმარი ჩრდილოეთ ოსეთის სოფელ ოქტომბრის მკვიდრი ალბერტ ზასაევი იყო.
როგორც არასამთავრობო ორგანიზაციის "ყოფილი პოლიტპატიმრები _ ადამიანის უფლებებისათვის" ხელმძღვანელმა ნანა კაკაბაძემ "მედიანიუსს" განუცხადა, ალბერტ ზასაევი საზღვრის უკანონო გადაკვეთის და ნარკოტიკების შენახვის ბრალდებით ამბროლაურში გაასამართლეს.
ალბერტ ზასაევი გეგუთის კოლონიაში 17 მაისს გადაიყვანეს.
ნანა კაკაბაძის ცნობით, ციხის ადმინისტრაციაში აცხადებენ, რომ პატიმარი ფსიქიურად ჯანმრთელი არ იყო.
ალბერტ ზასაევს 4 წელი ჰქონდა მისჯილი.