სულხან მოლაშვილი კვლავ პატიმრობაში რჩება
თბილისი.25.07.05.მედიანიუსი. თბილისის საქალაქო სასამართლომ არ დააკმაყოფილა კონტროლის პალატის ყოფილი თავმჯდომარის სულხან მოლაშვილის ადვოკატის შუამდგომლობა და მისი დაცვის ქვეშ მყოფი წინასწარ პატიმრობაში დატოვა.
მოლაშვილის ადვოკატის შალვა შავგულიძის თქმით, მოქმედი კანონმდებლობით ბრალდებულის პატიმრობის ვადა 9 თვემდეა განსაზღვრული, სულხან მოლაშვილი კი პატიმრობაში უკვე 12 თვეა იმყოფება.
საპროცესო კოდექსის 12-ე და 159-ე მუხლების თანახმად, მოლაშვილი უკანონო პატიმარია და დაუყოვნებლივ უნდა გათავისუფლდეს.
კონტროლის პალატის ყოფილ ხელმძღვანელს ბრალად ედება სამსახურებრივი უფლებამოსილების ბოროტად გამოყენება.