დუბაიში ქართველები დააკავეს
თბილისი.02.08.05.მედიანიუსი. დუბაიში ადგილობრივმა სამართალდამცავებმა ხუთი ქართველი დააკავეს. ისინი ერთ-ერთი ფილიპინელის ბინის ძარცვის მცდელობაში არიან ეჭვმიტანილნი.
საგარეო საქმეთა სამინისტრო მათი დაკავების შესახებ ჯერჯერობით ოფიციალურ ინფორმაციას არ ფლობს.
საქართველოს კონსული იორდანიასა და არაბთა გაერთიანებულ საემიროებში აპირებს შეხვდეს ადგილობრივ სამართალდამცავებს და შეეცდება ვითარებაში გაერკვიოს.
გავრცელებული ინფორმაციით, ერთ-ერთმა დაკავებულმა დანაშაული აღიარა. დგებუაძე, კეჟია, თურმანიძე და ბერიძე დუბაის პოლიციამ სასტუმროში მერაბ გილაძის ნომერში აიყვანა. ქართველები დუბაიში ტურისტული ვიზით მოხვდნენ.