შალვა რამიშვილმა იზოლატორში შიმშილობა გამოაცხადა
თბილისი.28.08.05.მედიანიუსი. ტელეკომპანია „202“-ის დამფუძნებელმა და „დებატების“ წამყვანმა შალვა რამიშვილმა, რომელიც სამართალდამცავებმა 27 აგვისტოს დააკავეს, პროტესტის ნიშნად შიმშილობა გამოაცხადა.
რამიშვილი დეპუტატ კობა ბექაურისთვის დიდი ოდენობით თანხის გამოძალვაშია ეჭვმიტანილი.
ჟურნალისტი შს სამინისტროს წინასწარი დაკავების საკანში შიმშილობს, სადაც მან ღამე გაატარა. რამიშვილის ადვოკატის, დავით კორკოტაშვილის თქმით, ტელეწამყვანი დუმილის უფლებას იტოვებს და ჩვენებებს არ იძლევა.
რამიშვილი პოლიციამ სპეცოპერაციის შედეგად იმ მოტივით დააკავა, რომ ის კობა ბექაურს სტუდია „რეპორტიორის“ მიერ მომზადებული მასალის ტელეეთერში დაბლოკვის სანაცვლოდ, ასი ათას დოლარს სძალავდა.
თავად სტუდია „რეპორტიორის“ მიერ მომზადებული მასალა, მისი ავტორების თქმით, პარლამენტარ ბექაურის მიერ ჩადენილ კანონსაწინააღმდეგო ქმედებებს შეეხება.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
