პორტალი ადამიანის უფლებების შესახებ
გორში სამხედროთა დაპირისპირება მოხდა
გორში სამხედროთა დაპირისპირება მოხდა
თბილისი. 29 აგვისტო. “ჯი-ეიჩ-ენი”. უკვე ცნობილი გახდა გორის ჯავშანსატანკო ბატალიონში მომხდარი ინციდენტის დეტალები, რომლის შესახებაც სააგენტო “ჯი-ეიჩ-ენი” დღეს იუწყებოდა.
დაპირისპირება თავდაცვის სამინისტროს მესამე ბრიგადის მე-3 და 33-ე ბატალიონების პირად შემადგენლობას შორის მოხდა და მასში 400-მდე სამხედრო მოსამსახურე იყო ჩართული. მათი უმეტესობა ნასვამი იყო.
დაიჭრა ორი ჯარისკაცი, რომლებიც ჯერ გორის საავადმყოფოში მოათავსეს, შემდეგ კი _ თბილისში, სამხედრო ჰოსპიტალში გადაიყვანეს. შედარებით მსუბუქად არის დაშავებული კიდევ რამდენიმე ჯარისკაცი.
თავდაცვის სამინისტროში ამ ფაქტს არ ადასტურებენ. ბატალიონების ხელმძღვანელთა განმარტებით კი, ბატალიონებში წვრთნები მიმდინარეობს და სროლის ხმა ამიტომაც ისმოდა.
შეგახსენებთ, რომ დაპირისპირება წუხელ, გვიან ღამით, ჯავშანსატანკო ბატალიონის სასწავლო ცენტრის სასადილოს მიმდებარე ტერიტორიაზე მოხდა.
სხვა სიახლეები
ბლოგი
2005 წელს ამერიკელმა მკვლევარებმა დაადგინეს, რომ სატელევიზიო პოლიტიკურ რეკლამებს ამომრჩევლის ნების ფორმირებაზე მხოლოდ ხანმოკლე (ასე - ორკვირიანი), ზეგავლენის მოხდენა შეუძლია.ვრცლად...
რედაქტორის აზრი
ადამიანის უფლებათა ცენტრი იწყებს ახალი პროექტის განხორციელებას, რომლის ფარგლებშიც, ცენტრის იურისტები და ჟურნალისტები ყოფილი მაღალჩინოსნების სასამართლო პროცესებს მონიტორინგს გაუწევენ. ვრცლად...
გამოკითხვა