მასწავლებლების ხელფასები თითქმის გაორმაგდება
თბილისი.11.09.05.მედიანიუსი. განათლებისა და მეცნიერების მინისტრის ალექსანდრე ლომაიას გადაწყვეტილებით, საქართველოს ზოგადსაგანმანათლებლო სკოლებში პედაგოგები დილის 9-დან საღამოს ხუთ საათამდე დარჩებიან.
“ახალი ამ გადაწყვეტილებაში არაფერია‚ საქართველოს კანონში შრომის შესახებ გარკვევით არის განსაზღვრული ზოგადსაგანმანათლებლო სკოლებში სამუშაო საათების რაოდენობა. უბრალოდ, იმ მიზერული ხელფასის პირობებში, რაც პედაგოგებს აქამდე ჰქონდათ, მათ დღის ბოლომდე სკოლაში დარჩენას ვერავინ მოსთხოვდა. დროა, ყველაფერი კანონიერ რეჟიმში ჩადგეს. უახლოეს მომავალში მასწავლებლების ხელფასები თითქმის გაორმაგდება‚ შესაბამისად, თავიანთი მოვალეობის შესრულება სრულფასოვნად მოუხდებათ”‚ _ განუცხადა “მედიანიუსს” განათლებისა და მეცნიერების სამინისტროს კომუნიკაციების დეპარტამენტის უფროსმა ლევან გახელაძემ.