გარდაბნის რაიონის გამგებლის ყოფილი მოადგილე პატიმრობაში დატოვეს
თბილისი.23.09.05.მედიანიუსი. გარდაბნის რაიონის გამგებლის ყოფილი მოადგილე ტელმან ჰასანოვი თბილისის საოლქო სასამართლომ სამთვიანი წინასწარ პატიმრობაში დატოვა.
ჰასანოვის ადვოკატები მათი დაცვის ქვეშ მყოფისთვის შინაპატიმრობის შეფარდებას მოითხოვდნენ. თუმცა მათი შუამდგომლობა მოსამართლემ არ დააკმაყოფილა. ამის გამო დაცვის მხარის სარჩელის განხილვასა და სასამართლოს გადაწყვეტილების გამოცხადებას დიდი ხმაური მოყვა.
როგორც ჰასანოვის ადვოკატმა ონისე ბუკიამ პროცესის დასრულების შემდეგ აღნიშნა‚ „მოსამართლეს შეგნება არ ეყო‚ რომ ობიექტური გადაწყვეტილება გამოეტანა“.
მისივე თქმით‚ ადვოკატებს უჩნდებათ ეჭვი‚ რომ „მოსამართლე არ არის დამოკიდებული და ის ვიღაცის დაკვეთით მოქმედებს“.
ტელმან ჰასანოვი გარდაბნის რაიონის სოფელ ვახტანგისში არასანქცირებული მიტინგის გამართვისა და პოლიციელისთვის წინააღმდეგობის გაწევის ბრალდებით ათი დღის წინათ დააკავეს.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
