მესაზღვრეებს კონტრაბანდის მფარველობაში ადანაშაულებენ
თბილისი.28.09.05.მედიანიუსი. ფინანსური პოლიციის მიერ ჩატარებული ანტიკონტრაბანდული სპეცოპერაციის შედეგად საქართველო-აზერბაიჯანის საზღვარზე სასაზღვრო ჯარებისა და რკინიგზის თანამშრომლების ერთობლივი დანაშაულებრივი ჯგუფი გამოვლინდა.
როგორც ფინანსურ პოლიციაში აცხადებენ, ამ ჯგუფის მეშვეობით მოქალაქეებს მატარებლის საშუალებით საქართველო აზერბაიჯანის საზღვარზე კონტრაბანდული ტვირთი შემოჰქონდათ. მესაზღვრეებმა და რკინიგზის თანამშრომლებმა მოქალაქეებს საბაჟო-საკონტროლო პუნქტამდე გარკვეული კონტრაბანდული ტვირთის დაცლის საშუალება მისცეს.
დაკავებულია ორი მესაზღვრე, რომელთაგან ერთ-ერთმა სპეცრაზმს წინააღმდეგობა გაუწია, ხოლო ცეცხლსასროლი იარაღით გამოყენების შემდეგ დანაშაულში ეჭვმიტანილი დაიჭრა. დაჭრილი მესაზღვრის ჯანმრთელობას საფრთხე არ ემუქრება.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
