06:33, Sunday, 05.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სოციალურად დაუცველ ოჯახებს სახელმწიფო დაეხმარება

11.10.2005

სოციალურად დაუცველ ოჯახებს სახელმწიფო დაეხმარება

თბილისი.09.10.05.მედიანიუსი. სიღატაკის დასაძლევად 2006 წლიდან საქართველოში ახალი პროგრამა ამოქმედდება. ეს არის სოციალურად დაუცველი ოჯახების მონაცემთა ერთიანი ბაზის ფორმირების სახელმწიფო პროგრამა. მისი პრეზენტაცია დღეს ფილარმონიაში შრომის, ჯანმრთელობისა და სოციალური დაცვის სამინისტრომ და დასაქმების სახელმწიფო სააგენტომ გამართეს.

როგორც ჯანდაცვის მინისტრმა ლადო ჭიპაშვილმა განაცხადა, პროგრამის უმთავრესი მიზანი საზოგადოების უღატაკესი ფენის გამოვლენა და მისთვის შესაბამისი დახმარების აღმოჩენაა.

პროგრამა იძლევა სახელმწიფო რესურსების ოპტიმალურად გამოყენების საშუალებას. სოციალურად დაუცველი ოჯახების სოციალური მდგომარეობის შესწავლას ქვეყნის მასშტაბით ხვალიდან 300-ზე მეტი სოციალური აგენტი შეუდგება. ისინი დასაქმების სახელმწიფო სააგენტომ ღია კონკურსის წესით შეარჩია.

სოციალური აგენტები შევლენ ყველა იმ ღარიბ ოჯახში, რომლებმაც განაცხადი თავიანთ მძიმე სოციალურ მდგომარეობაზე მონაცემთა ერთიან ბაზაში შეიტანეს. ამ დროისათვის აღრიცხულია 153 ათასი ასეთი ოჯახი.

ლადო ჭიპაშვილი ვარაუდობს, რომ 2006 წლის მარტისთვის სოციალურ აგენტებს სოციალურად დაუცველი ოჯახების მდგომარეობის შესახებ ძირითადი მონაცემები უკვე მოპოვებული ექნებათ.

მონაცემთა ბაზის ფორმირების შემდებ კი შესაძლებელი გახდება სხვადასხვა სოციალური და ჯანდაცვის პროგრამის განხორციელება. მათ შორის უმთავრესი სიღატაკის ზღვარს მიღმა მყოფი მოსახლეობის დახმარება იქნება. ასეთები კი დღეს ქვეყნის მოსახლეობის 10 პროცენტს აღემატებიან.

პრეზენტაციაზე მყოფმა პრემიერ-მინისტრმა ზურაბ ნოღაიდელმა ამ პროგრამას პირველი მიზნობრივი სოციალური პროგრამა უწოდა. მისი თქმით, ამ და სოციალურად დაუცველთა ჯანდაცვის პროგრამებისთვის 2006 წლის სახელმწიფო ბიუჯეტში 75 მლნ. ლარი გამოიყოფა. ახალი პროგრამა 10 წლის განმავლობაში განხორციელდება. ეს კი იმას ნიშნავს, რომ ამ პერიოდში ძირეულად შეიცვლება ქვეყნის სოციალური ვითარება, ანუ სიღატაკის ზღვარს მიღმა მყოფი ოჯახები საქართველოში აღარ იარსებებენ, _ აღინიშნა პრეზენტაციაზე.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC