“ბაქო-თბილისი-ჯეიჰანის ნავთობსადენი მთელ მსოფლიოში ყველაზე უსაფრთხოა”
თბილისი.12.10.05.მედიანიუსი. არასამთავრობო სექტორი კომპანია “ბი-პი”-ს ბაქო-ჯეიჰანის მილსადენის მშენებლობისას უსაფრთხოების ზომების დარღვევაში ადანაშაულებს. ამ ბრალდებაზე “ბი-პი”-ს საქართველოს მენეჯერმა რივ დიგენსმა სასტუმრო “ქორთიარდ მარიოტში” გამართულ პრესკონფერენციაზე განაცხადა: ბაქო-თბილისი-ჯეიჰანის ნავთობსადენი მთელ მსოფლიოში ყველაზე უსაფრთხოა.
ნავთობსადენი მთელ სიგრძეზე მიწაშია ჩამარხული და მშენებლობის დასრულებისთანავე დაიწყო სრული აღდგენის სამუშაოები.
მილსადენის საქართველოს მონაკვეთის სიგრძეა 249 კილომეტრი‚ დიამეტრი კი 42 დიუმი. ნავთობსადენი კვეთს საქართველოს შვიდ რაიონს‚ მისი უმაღლესი წერტილი 2.400 მეტრზეა.
დიგენსის განმარტებით, მილსადენის შეერთების ადგილებზე იყო ნაპრალები, თუმცა ექსპერტებმა ყველა პრობლემა შეისწავლეს და მათი ლიკვიდაცია მანამდე მოხდა, ვიდრე მილების მიწაში ჩადება მოხდებოდა.