ჟურნალისტებისთვის სოციალურ საკითხებზე სემინარი ჩატარდა
თბილისი.13.10.05.მედიანიუსი. ადამიანის უფლებათა საინფორმაციო და სადოკუმენტაციო ცენტრის ინიციატივითა და შვედური პარტნიორი არასამთავრობო ორგანიზაციების (Natverkstan, Socialpolitik, Globalverkstan) მონაწილეობით, 10-13 ოქტომბერს დაბა ლიკანში ჟურნალისტებისთვის სემინარი ჩატარდა.
ქართველ ჟურნალისტებთან ერთად მასში შვედი ჟურნალისტებიც მონაწილეობდნენ. სემინარის მიზანი სოციალურ თემაზე მომუშავე ჟურნალისტებს შორის გამოცდილების გაზიარება იყო.
როგორც ადამიანის უფლებათა საინფორმაციო და სადოკუმენტაციო ცენტრის ხელმძღვანელმა უჩა ნანუაშვილმა აღნიშნა‚ ეს იყო პირველი სემინარი სოციალურ ჟურნალისტიკაში‚ რომელიც ორგანიზაციის ინიციატივით ჩატარდა.
“საქართველოში ადამიანის უფლებათა დაცვის საკითხი მეტად მწვავედ დგას. თუმცა ამ თემას საზოგადოებისა და მთავრობის მხრიდან ნაკლები ყურადღება ექცევა. ჩვენი მიზანია იგი ფართო საზოგადოების მსჯელობის საგანი გახდეს. სემინარიც ამ მიზანს ისახავდა. შეხვედრამ დაგვარწმუნა‚ რომ სოციალურ სფეროში გაცილებით მეტი პრობლემა ყოფილა‚ ვიდრე მოველოდით‚” _ განაცხადა უჩა ნანუაშვილმა.
მისივე თქმით, ამ საკითხებზე სემინარები უფრო ხშირად უნდა ჩატარდეს და არასამთავრობოებსა და თავისუფალ მედიას შორის კავშირები გაღრმავდეს.