სამშვიდობო ქსელმა მშვიდობიანი აქცია გამართა
თბილისი.20.10.05.მედიანიუსი. დღეს საქართველოს ხუთ ქალაქში _ თბილისში‚ ქუთაისში‚ ზუგდიდში‚ გორსა და ბათუმში სამშვიდობო ქსელმა „ქალთა ერთობა მშვიდობისთვის“ მშვიდობიანი აქცია გამართა. აქცია‚ გაეროს უშიშროების საბჭოს #1325 რეზოლუციის ხუთ წლისთავს მიეძღვნა.
აქციის ორგანიზატორები ხელისუფლებას მოუწოდებენ‚ რომ აფხაზეთისა და „სამხრეთ ოსეთის“ კონფლიქტები მშვიდობიანად მოაგვაროს.
თბილისში მშვიდობიანი აქცია გმირთა მოედანზე დილის 9 საათზე დაიწყო. თეთრ მაისურიანმა ქალებმა ქვეყნის ერთიანობისათვის დაღუპულთა მემორიალი ყვავილებით შეამკეს და პარლამენტის შენობის წინ მდუმარე აქცია მოაწყვეს.