პარტია "სამართლიანობის" ოფისი გაძარცვეს
თბილისი.27.10.05.მედიანიუსი. პოლიტიკური პარტია "სამართლიანობის" მიერ დღეს გავრცელებული ინფორმაციით, 27 ოქტომბერს‚ დილით‚ პარტიის საბურთალოს რაიონული ოფისი გაიძარცვა. წაღებულია პარტიის დოკუმენტები‚ ტელევიზიორი‚ ფაქსის აპარატი და ბინის მეპატრონის პირადი ნივთები.
ეს პარტია „სამართლიანობაზე“ განხორციელებული პირველი თავდასხმა არაა. პარტიის რამდენიმე წევრი, სხვადასხვა დროს, სასტიკად სცემეს. „სამართლიანობის“ წარმომადგენლების განცხადებით, 28 სექტემბერს მომხდარი თავდასხმების უკან პოლიციის მუშაკები იდგნენ.