ქუთაისში პოლიციამ შვიდი ჯარისკაცი დააკავა
თბილისი.28.10.05.მედიანიუსი. ქუთაისში 28 ოქტომბერს გამთენიისას პოლიციის თანამშრომლებსა და სამხედრო პირებს შორის შელაპარაკება მოხდა‚ რის გამოც სამართალდამცველებმა შვიდი ჯარისკაცი დააკავეს.
ახალგაზრდობის გამზირზე პოლიციელებსა და ჯავშანსატანკო ბატალიონის ნასვამ კონტრაქტორებს შორის შელაპარაკება ჩხუბში გადაიზარდა. პოლიციელებმა ჰაერში რამდენჯერმე გაისროლეს.
სამხედროებს პოლიციისთვის წინააღმდეგობის გაწევა ედებათ ბრალად. სახალხო დამცველის რწმუნებული გიორგი მშვენიერაძე აცხადებს‚ რომ სამხედროები წინასწარი დაკავების საკანში სცემეს. ამის მაგალითად მშვენიერაძეს ჯავშანსატანკო მეთაურის ახსნა-განმარტება და ექსპერტიზის დასკვნა მოჰყავს.