რუსეთის საელჩოს შენობის წინ საპროტესტო აქცია გაიმართა
თბილისი.15.11.05.მედიანიუსი. დღეს თბილისში, რუსეთის საელჩოს შენობის წინ ახალგაზრდა პოლიტოლოგთა და ჟურნალისტთა ასოციაციამ საპროტესტო აქცია გამართა. აქციაში აფხაზეთის ახალგაზრდულ საქმეთა სამმართველოს, თსუ სოხუმის ფილიალის სტუდენტები და ტექნიკური უნივერსიტეტის სტუდკავშირის წევრებიც მონაწილეობდნენ.
ისინი აფხაზეთიდან რუსი სამშვიდობოების გაყვანას მოითხოვენ. მათი განცხადებით, რუსი სამშვიდობოები აფხაზებსა და ქართველებს შორის ვითარებას უფრო ძაბავენ. გალის რაიონში კი ხელს უწყობენ აფხაზი სეპარატისტების ქმედებას.