პრეზიდენტმა 21 მსჯავრდებული შეიწყალა
თბილისი.30.11.05.მედიანიუსი. შეწყალების კომისიის წარდგინებით, საქართველოს პრეზიდენტმა მიხეილ სააკაშვილმა 21 მსჯავრდებული შეიწყალა. მათგან 17 სასჯელაღსრულების დაწესებულებებიდან სრულად გათავისუფლდა, ხოლო ოთხს - სასჯელი გაუნახევრდა.
თავდაპირველად, შეწყალების კომისიაზე წარდგენილი იყო 45 მსჯავრდებული. მათი პირადი საქმეების განხილვის შედეგად, კომისია პრეზიდენტის წინაშე მხოლოდ 21 პირის შეწყალების რეკომენდაციით წარდგა. შეწყალებულთა შორის ერთი არასრულწლოვანი და ერთი ქალია.
შეწყალებულთა უმრავლესობა ნაკლებად მძიმე დანაშაულების ბრალდებით იყვნენ გასამართლებულნი.