რუსთავის ციხეში ბუნტი აღკვეთეს
რუსთავი.30.01.06.მედიანიუსი. “რუსთავის პირველ კოლონიაში პატიმრებმა სერიოზული ბუნტის მოწყობა სცადეს, თუმცა არ გამოუვიდათ”, _ აცხადებენ სასჯელაღსრულების დეპარტამენტის პრესსამსახურში.
ლაპარაკია კოლონიაში დღეს გამთენიისას მომხდარ ინციდენტზე, რომლის დროსაც, სასჯელაღსრულების დეპარტამენტის ინფორმაციით, ერთ-ერთი პატიმარი თემურ ქოქაშვილი და სასჯელაღსრულების დეპარტამენტის ერთ-ერთი დანაყოფის თანამშრომელი დაშავდნენ.
როგორც “მედიანიუსს” დეპარტამენტის პრესსამსახურში განუცხადეს, კოლონიაში პატიმრების ჩხრეკა მიმდინარეობდა. პატიმრებს აკრძალული ნივთები აღმოაჩნდათ. პატიმრებმა მათი დამალვა სცადეს და სამართალდამცველებს წინააღმდეგობა გაუწიეს. დაპირისპირების აღსაკვეთად კოლონიაში დამატებითი ძალების მობილიზება გახდა საჭირო. ბუნტიც მხოლოდ ამის შემდეგ იქნა ლოკალიზებული.
სასჯელაღსრულების დეპარტამენტში ირწმუნებიან, რომ ამ დროისათვის ვითარება სტაბილურია და ჩხრეკის პროცესი მშვიდობიანად დასრულდა.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
