გორის მოსამართლეები უსამართლო დევნაზე ალაპარაკდნენ
იუსტიციის უმაღლესმა საბჭომ გორის მოსამართლე გოჩა გოჩიტაშვილის მიმართ დისციპლინური დევნა აღძრა და საქმეების განხილვისგან მისი ჩამოცილების გადაწყვეტილება მიიღო. იუსტიციის საბჭო ასევე შეეხო გორის სასამართლოს თავმჯდომარე ბონდო ვათიაშვილსაც. მას იუსტიციის საბჭომ სასტიკი საყვედური გამოუცხადა. „ადამიანის უფლებათა ცენტრთან“ საუბარში გორის სასამართლოს თავმჯდომარე ბონდო ვათიაშვილი აცხადებს, რომ გადაწყვეტილებები უკანონოა და აპირებენ მის გასაჩივრებას იუსტიციის საბჭოს სადისციპლინო კოლეგიაში.
გავრცელებული ცნობით, იუსტიციის საბჭოში გორის კიდევ ერთი მოსამართლის გიორგი მიროტაძის მიმართაც აღძრულია დისციპლინური დევნა.
საბა წიწიკაშვილი გორიდან