შიდა ქართლში მომუშავე ჟურნალისტები სახალხო დამცველს მათი უფლებების დარღვევის ფაქტებზე რეაგირებას თხოვენ
შიდა ქართლში მომუშავე ჟურნალისტები სახალხო დამცველს მათი უფლებების დარღვევის ფაქტებზე რეაგირებას თხოვენ
შიდა ქართლის მედია საშუალებების ჟურნალისტებმა სახალხო დამცველს სოზარ სუბარს მიმართეს თხოვნით, მოახდინოს რეაგირება მათი შევიწროებისა და ადგილობრივი ადმინისტრაციის მხრიდან მედია საშუალებებზე მკაცრი ცენზურის დაწესების მცდელობის ფაქტებზე.
როგორც სახალხო დამცველის აპარატში განაცხადეს, ჟურნალისტების მიმართვაში აღნიშნულია, რომ ისინი განიცდიან ზეწოლას შიდა ქართლში პრეზიდენტის სახელმწიფო რწმუნებულის პრეს-სამსახურის თანამშრომლების მხრიდან.
„ჟურნალისტებს მოჰყავთ რამდენიმე ფაქტი, როდესაც სამხარეო ადმინისტრაცია არღვევდა მედიის უფლებებს, არ გასცემდა საჯარო ინფორმაციებს და რეგიონის რწმუნებულ მიხეილ ქარელისა და ადმინისტრაციის სხვა წარმომადგენლების ფოტოების გამოქვეყნებაზე კონტროლის დაწესებას ცდილობდა“.
ჟურნალისტების უფლებების შელახვის ფაქტებთან დაკავშირებით, სახალხო დამცველი სოზარ სუბარი აპირებს შიდა ქართლში გამგზავრებას და მიმართვის ავტორებთან შეხვედრას, სუბარი სამხარეო ადმინისტრაციის წარმომადგენლებსაც შეხვდება.
media.ge
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
