უნივერსიტეტში მოშიმშილეებს დენი გაუთიშეს და წყალმომარაგება შეუწყვიტეს
თბილისი.07.02.06.მედიანიუსი. ივანე ჯავახიშვილის სახელობის თბილისის სახელმწიფო უნივერსიტეტის პროფესორ-მასწავლებლები შიმშილობის აქციას განაგრძობენ.
პროფესორ ნესტან კირთაძის ინიციატივით უნივერსიტეტში შიმშილობა გუშინ დაიწყეს. საპროტესტო აქციის მეორე დღეს პროფესორები - ნესტან კირთაძე, მურმან ტოგონიძე, დავით ქადაგიძე, დემურ ბახტაძე და უნივერსიტეტის ალტერნატიული სამეცნიერო საბჭოს წევრი ადა მარშანია რექტორატს მორალურ და ფიზიკურ ზემოქმედებაში ადანაშაულებენ. „წუხელ უნივერსიტეტში მოშიმშილეებმა კოშმარული ღამე გავათენეთ. უნივერსიტეტის შენობის დაცვის უფროსი თამაზ წიკლაური რამდენჯერმე მოიჭრა ჩვენთან და პატრულისა და უშიშროების მუქარით, შენობის დაცლა მოითხოვა. როგორც ჩანს, რექტორატი მიდის პროვოკაციაზე. წუხელვე გამოგვირთეს ელექტროენერგია, შეგვიწყვიტეს გაზი და წყალმომარაგება. შიმშილისგან დაუძლურებული ადამიანები წუხელ მთელი ღამე ბნელ დერეფნებში მიდი-მოვდიოდით. წინააღმდეგ შემთხვევაში ადგილზე გაყინვა გველოდა“, განუცხადა “მედიანიუსს” ნესტან კირთაძემ.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
