ადამიანთა ვაჭრობის წინააღმდეგ ბრძოლის შესახებ კანონპროექტს განიხილავენ
თბილისი.10.02.06.მედიანიუსი. დღეს საერთაშორისო საქმეთა ეროვნულ-დემოკრატიული ინსტიტუტი (NDI) კანონპროექტზე „ადამიანთა ვაჭრობის წინააღმდეგ ბრძოლის შესახებ საქართველოს კანონის“ მრგვალ მაგიდას მოაწყობს.
შეხვედრის მიზანია ადამიანთა ვაჭრობის (ტრეფიკინგის) წინააღმდეგ ბრძოლის 2005-2006 წლების სამოქმედო გეგმის შეფასება და აღნიშნული კანონპროექტის განხილვა. ამ კანონპროექტის მიღება საქართველოს პარლამენტში მიმდინარე თვეში იგეგმება.
NDI-ის მიერ ორგანიზებულ განხილვას საქართველოს პარლამენტის და მთავრობის წარმომადგენლები‚ აღნიშნულ საკითხზე მომუშავე საერთაშორისო არასამთავრობო ორგანიზაციები და ექსპერტები დაესწრებიან.