ქუთაისელმა გარემოვაჭრეებმა ქალაქის მერიის შენობაში შეჭრა სცადეს
ქუთაისი.13.02.06.მედიანიუსი. ქუთაისის მერიის შენობის წინ საპროტესტო აქცია გამართეს გარემო მოვაჭრეებმა. ისინი გარევაჭრობის აკრძალვას აპროტესტებენ. აქციაზე სიტუაცია მას შემდეგ დაიძაბა, რაც მოვაჭრეებმა ქალაქის მერიის შენობაში შეჭრა და ცენტრალური ქუჩის გადაკეტვა სცადეს. ადგილზე გამოძახებულმა სპეცდანიშნულების რაზმმა აქციის ერთი მონაწილე ამირან ბაღდავაძე დააკავა. დაკავებული ამ დროისთვის ქუთაისის რაიონულ პოლიციაში იმყოფება. გარემოვაჭრეები პოზიციების დათმობას არ აპირებენ და ფართომასშტაბიანი საპროტესტო აქციების გამართვას გეგმავენ.