თბილისში ჟურნალისტი დაჭრეს

თბილისში ჟურნალისტი დაჭრეს

ჟურნალისტი მაყვალა ნებიერიძე, 13 თებერვალს, თბილისში თავისი სახოვრებელი სახლის სადარბაზოსთან ცეცხლსასროლი იარაღიდან დაჭრეს.

მაყვალა ნებიერიძე პრეზიდენტ ედუარდ შევარდნაძის პოლიტიკური მოღვაწეობის შესახებ   წიგნის ავტორია, რომელიც  „ვარდების რევოლუციამდე“ გამოსცა. 

ამასთანავე,  ის წინა მოწვევის პარლამენტის საგამოძიებო კომისიის წევრიც იყო.

როგორც ჟურნალისტის მეუღლე მალხაზ მერმანიშვილი აცხადებს,  ინციდენტის დროს ის მეუღლესთან ერთად სადარბაზოსთან იმყოფებოდა და მხოლოდ გასროლის ხმა გაიგო.

გაზეთ „ალიას“ (14 თებერვლის გამოშვება)  ცნობით, ბერიანიძეს АКС-ის სისტემის  ავტომატური ცეცხლსასროლი იარაღის ტყვია მოხვდა. ამჟამად მისი ჯანმრთელობის მდგომარეობა დამაკმაყოფილებელია.

პოლიციის ვერსიით  ჟურნალისტს „ბრმა“ ტყვია მოხვდა, რასაც მალხაზ მერმანიშვილი არ იზიარებს.

მაყვალა ნებიერიძე, პერიოდულად სხვადასხვა გაზეთებში კრიტიკულ სტატებს წერდა. სტაჟიანი ჟურნალისტი ძალოვანი უწყებების საქმიანობასაც აშუქებდა.

გაზეთ „ალიას“ ვარაუდით, არ არის გამორიცხული, მომხდარი შემთხვევა, ნებიერიძის პროფესიულ საქმიანობასთან ყოფილიყო დაკავშირებული.

media.ge