სენაკის სამხედრო ბაზას რუსულმა ვერტმფრენმა გადაუფრინა

სენაკის სამხედრო ბაზას რუსულმა ვერტმფრენმა გადაუფრინა

21 თებერვალს 14 საათსა და 30 წუთზე საქართველოს საჰაერო სივრცეში უკანონო ფრენა განახორციელა რუსული სამშვიდობო ძალების კუთვნილმა МИ-8-ს ტიპის ვერტმფრენმა.

თვითმხილველთა განცხადებით, ვერტმფრენმა სენაკში ქართულ სამხედრო ბაზას სამი წრე შემოავლო , რის შემდეგაც სოხუმის მიმართულებით გაფრინდა.

 „ეს რუსების საბრძოლო ვერტმფრენი იყო. ადრეც მინახავს. ამ ვერტმფრენზე საბრძოლო ჭურვების დაყენება შეიძლება. ალბათ შეშინება უნდოდათ. МИ-8 იყო. თავად წავიკითხე“,- აცხადებს ადგილობრივი მკვიდრი გივი გაბისონია.

სენაკში დღისით გამოჩენილ რუსულ ვერტმფრენს ბევრი თვითმხილველი ჰყავდა, როგორც სენაკის მოსახლეობა, ასევე სამხედრო ბაზის თანამშრომლები, რომელთა უმრავლესობას მისი ამოცნობა არ გასჭირვებია.