საქართველოს რეგიონალური მედიის ასოციაცია“ აზერბაიჯანელ ჟურნალისტებზე განხორციელებულ ძალადობას აპროტესტებს
„საქართველოს რეგიონალური მედიის ასოციაცია“ პროტესტს გამოთქვამს ქართველი სამართალდამცავების მხრიდან, 22 თებერვალს, აზერბაიჯანული ტელეკომპანიების "Lider" და "ANS~-ის ჟურნალისტებზე განხორციელებული ძალადობის გამო.
მარნეულის რაიონის სოფელ დამია-გერარხის მოსახლეობის საპროტესტო აქციის გადაღებისას აზერბაიჯანელ ჟურნალისტებს რასილ დემირჩალოვს და აიმაზ კალაევს სამოქალაქო ტანსაცმელში გადაცმულმა პოლიციელებმა წაართვეს გადაღებული მასალა, მიაყენეს სიტყვიერი და ფიზიკური შეურაცყოფა.
„საქართველოს რეგიონალური მედიის ასოციაციას“ მიაჩნია, რომ „ჟურნალისტების მიმართ ამგვარი მეთოდების გამოყენება მიუღებელია და მხოლოდ ხალხთა შორის ურთიერთობების დაძაბვას ემსახურება“.
ასოციაცია უერთდება საქართველოს სახალხო დამცველის სოზარ სუბარის მოთხოვნას, რომელიც სიტყვისა და გამოხატვის თავისუფლების შეზღუდვის ფაქტზე გამოძიების დაწყებას ითხოვს.
ამავე დროს „საქართველოს რეგიონალური მედიის ასოციაცია“ აღნიშნავს, რომ სიტყვისა და გამოხატვის თავისუფლების შეზღუდვის ნებისმიერი ფაქტი მიუღებელია დემოკრატიული საზოგადოებისთვის და მას სახელისუფლებო სტრუქტურების მხრიდან უნდა შესაბამისი სამართლებრივი ქმედებები უნდა მოჰყვეს.