სოციალურად დაუცველი ქალები პროფესიულ გადამზადებას გაივლიან
არასამთავრობო ორგანიზაცია „ადამიანის უფლებათა საინფორმაციო და სადოკუმენტაციო ცენტრი“ კანადის საელჩოს დაფინანსებით იწყებს პროექტს „სოციალურად დაუცველ ქალთა გაძლიერება საქართველოში“. აღნიშნული პროექტის პრეზენტაცია დღეს სახალხო დაცმველის ოფისში გაიმართება.
პროექტის მიზანია სოციალურად დაუცველ ქალთა პროფესიული გადამზადება მათი შემდგომი დასაქმების გაადვილების მიზნით.
პროექტის ფარგლებში, რომლის ხანგრძლივობაა 5 თვე, 18-დან 35-წლამდე ასაკის უმუშევარ სოციალურად დაუცველ ქალებს (მარტოხელა დედები, დევნილები, ტრეფიკანგის მსხვერპლნი, ეთნიკური და რელიგიური უმცირესობათა წარმომადგენლები, ყოფილი პატიმრები) ჩაუტარდებათ ინტენსიური სასწავლო კურსები ინგლისურ ენაში, კომპიუტერულ პროგრამებსა და ბუღალტერიაში; გარდა ამისა, მათთვის მოეწყობა სხვადასხვა ტრეინინგ-სემინარები, რომელიც ხელს შეუწყობს მათში პროფესიული უნარ-ჩვევების განვითარებას.