სახალხო დამცველი სამართალდამცველების ქმედებებს აპროტესტებს
თბილისი.09.03.06.მედიანიუსი. სახალხო დამცველი სოზარ სუბარი შსს-ის საგანგებო დავალებათა სამმართველოს თანამშრომლებს ფოთში შემავალი და ქალაქიდან გამომავალი ტრანსპორტის უკანონო ჩხრეკაში ადანაშაულებს. “სამართალდამცავები ყოველგვარი საბუთისა და დოკუმენტის გარეშე ამოწმებენ ყველა მანქანას. ჩვენ გამოველაპარაკეთ მათ და აღმოჩნდა‚ რომ უამრავ მათგანს პოლიციელის საბუთიც კი არ აქვს. ეს ყველაფერი ავტომატებით შეიარაღებული ბანდების თარეშს ჰგავს‚” - განაცხადა სახალხო დამცველმა სოზარ სუბარმა საგანგებოდ გამართულ ბრიფინგზე.
ომბუდსმენმა ჟურნალისტებს ფოთში სამართალდამცავებისთვის გადაღებული ფოტოებიც წარუდგინა.
სოზარ სუბარი შსს გენერალურ ინსპექციისგან მომხდარი ფაქტის შესწავლას და შესაბამისი ღონისძიებების გატარებას მოითხოვს.