შიდა ქართლის ფინანსური პოლიციის უფროსი ბრალდებებს უარყოფს
შიდა ქართლის ფინანსური პოლიციის უფროსი ზურაბ არსოშვილი გორელი ქალბატონის იზო კარელიძის ფიზიკური შეურაცხყოფის ფაქტს კატეგორიულად უარყოფს. იზო კარელიძემ შიდა ქართლის საოლქო პროკურატურაში განცხადება შეიტანა, სადაც იგი ზურაბ არსოშვილს ფიზიკურ შეურაცყოფაში ადანაშაულებს. კარელიძის თქმით, ფინანსური პოლიციის უფროსმა კაბინეტის კარები მოუჯახუნა, მოქნეული კარები კი მას მოხვდა.
ზურაბ არსოშვილი იზო კარელიძეს „ავანტიურისტს” უწოდებს და აღნიშნავს, რომ მსაგვს დადგმულ პროვოკაციებზე არ წამოეგება. იზო კარელიძის მეუღლის მანქანა უკვე ერთი კვირაა გორის ტერმინალში აყენია. ამ მანქანიდან ფინანსური პოლიციის თანამშრომლებმა კონტრაბანდული საქონელი ამოიღეს. კარელიძეები ფინანსური პოლიციის თანამშრომლებს მანქანის გაძარცვასაც აბრალებენ.