სახალხო დამცველი კოტე კემულარიას წინააღმდეგ სისხლის სამართლებრივი დევნის დაწყებას ითხოვს

სახალხო დამცველი კოტე კემულარიას წინააღმდეგ სისხლის სამართლებრივი დევნის დაწყებას ითხოვს

თბილისი.19.05.06.მედიანიუსი. სახალხო დამცველი სოზარ სუბარი უშიშროების საბჭოს მდივნის კოტე კემულარიას პასუხისმგებლობის საკითხის დასმას ითხოვს.

როგორც პარლამენტის ადამიანის უფლებებისა და სამოქალაქო ინტეგრაციის კომიტეტის სხდომაზე სუბარმა განაცხადა, კემულარიამ პასუხი ქუთაისის ციხეში მომხდარ ინციდენტთან დაკავშირებით უნდა აგოს. კერძოდ, სუბარის განმარტებით, კემულარიას იუსტიციის მინისტრობისას პატიმრები ქუთაისის ახალაშენებულ ციხეში გადაიყვანეს, რომლის შემდეგაც აღმოჩნდა, რომ აღნიშნული საპყრობილე აბსოლუტურად კეთილმოუწყობელი იყო. სწორედ ამან უბიძგა პატიმრებს ბუნტის დაწყებისკენ.

„ნათელია, რომ თანხები არამიზნობრივად დაიხარჯა, ამიტომაც კემულარიას წინააღმდეგ კორუფციის ბრალდებით სისხლის სამართლებრივი დევნა უნდა დაიწყოს“, - თქვა სოზარ სუბარმა.