15:24, Friday, 26.02.2021
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

სოზარ სუბარი ოსი მოქალაქეების წამებისთვის სისხლის სამართლის აღძვრას ითხოვს

30.05.2006

 სოზარ სუბარი ოსი მოქალაქეების წამებისთვის სისხლის სამართლის აღძვრას ითხოვს

თბილისი.29.05.06. მედიანიუსი. საქართველოს სახელმწიფო მინისტრი კონფლიქტების მოგვარების საკითხებში გიორგი ხაინდრავა და სახალხო დამცველი სოზარ სუბარი ქართულ-ოსური კონფლიქტის ზონიდან გუშინ გვიან ღამით დაბრუნდნენ.

ისინი იქ სამი დღის წინათ, ქართული პოლიციის მიერ ოსი ეროვნების მოქალაქეებისა და, ამის საპასუხოდ, ოსური მხარის მიერ სამი ქართველის დაკავების ფაქტის დეტალურად შესასწავლად იმყოფებოდნენ. ამ მიზნით, ისინი დაზარალებულ ოსებსა და ე.წ. სამხრეთ ოსეთის დე-ფაქტო ხელისუფლების ვიცე-პრემიერს, ბორის ჩოჩიევს და შინაგან საქმეთა მინისტრს, მიხეილ მინძაევს შეხვდნენ.

დაზარალებული ოსების თქმით, ორი ნიღბიანი პირი მათ სასტიკად გაუსწორდა. ამ პირების ვინაობა ჯერჯერობით დაუდგენელია.

სოზარ სუბარი იმ პირთა წინააღმდეგ წამების მუხლით სისხლის სამართლის აღძვრას ითხოვს, რომელთაც გორის პოლიციის შენობაში ოსების წინააღმდეგ სასტიკი ქმედებები ჩაიდინეს. რაც შეეხება სოფელ ნულში მცხოვრები ოთხი ქართველის ცემის ფაქტს, გიორგი ხაინდრავას თქმით, ეს ძმები გაზაევების მიერ არის ჩადენილი. ამ დროისათვის დაკავებულია ქართველების ცემაში ერთ-ერთი ეჭვმიტანილი პირი, დანარჩენებზე კი ძებნაა გამოცხადებული.

„ადამიანები, რომლებსაც ძალიან დიდი პასუხისმგებლობა აკისრიათ, ვერ აცნობიერებენ იმას, რომ საქართველოში არის დიდი ტერიტორია, რომელსაც ჩვენ ვერ ვაკონტროლებთ. ნებისმიერი არასწორი ნაბიჯი ჩვენი მხრიდან არის დარტყმა იმ მოსახლეობისთვის, რომელსაც ვერაფრით ვეხმარებით. ამისი მაგალითია ფრონეს ხეობა, სადაც არსებობს ძალადობა, ბანდიტიზმი. აქ ჩაბუდებული არიან ე.წ. "აპალჩენცები", მაგალითად, ძმები გაზაევები. ისინი არიან პირწმინდა ბანდიტები, რომლებსაც ვპირდები, რომ აუცილებლად მივწვდებით და კანონის წინაშე პასუხს ვაგებინებთ. ესენი ის ადამიანები არიან, რომელთაც უმოწყალოდ ცემეს ოთხი ქართველი. თუმცა, ეს იყო გამოძახილი იმ ადამიანების უფლებების უხეში დარღვევის, რომელსაც გორის პოლიციაში ჰქონდა ადგილი. ამას დღეს ყველა ლაპარაკობს. ჩემთვის დიდი ბედნიერება იყო, როცა ყველა დაზარალებულმა ოსმა ერთხმად აღიარა გორის პოლიციის ადამიანური დამოკიდებულება მათდამი და ხაზი იმას გაუსვა, რომ გორის პოლიციის თანამშრომლებისთვის მადლობის მეტი არაფერი ეთქმით. მათი თქმით, რომ არა ისინი, არავინ იცის, პოლიციის შენობიდან ცოცხლები გამოვიდოდნენ თუ არა“, _ თქვა გიორგი ხაინდრავამ.

სოზარ სუბარის თქმით კი, დაზარალებული ოსების მიმართ ისეთი სისასტიკე იყო გამოვლენილი, როგორიც საქართველოს პოლიციაში კარგა ხნის დავიწყებული უნდა ყოფილიყო.

 

 

 

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2021 HRIDC