სამართალდამცველებმა მონასტერში სპეცოპერაცია ჩაატარეს
როგორც „მედიანიუსს“ მეუფე ზენონმა უთხრა, ნიღბიანები სამონასტრო კომპლექსში ეჭვმიტანილის ძებნის საბაბით შევიდნენ. თუმცა, მათ ჩხრეკის ორდერი არ წარუდგენიათ.
მისივე თქმით, სამონასტრო კომპლექსში შესულებმა ძირს დააწვინეს მორჩილები, მიუშვირეს ავტომატები და დაემუქრნენ, თუ გაინძრევით, გესვრითო. მათ მორჩილებს სამონასტრო კომპლექსში მყოფი რესტავრატორებიც მიაყოლეს და „გაჩხრიკეს მთელი სამონასტრო კომპლექსი“.
ეჭვმიტანილები სამინისტრო კომპლექსში ვერ აღმოაჩინეს. თუმცა, სამართალდამცველებმა სამონასტრო კომპლექსი ისე დატოვეს, რომ ღვთისმსახურებისათვის ბოდიშიც არ მოუხდიათ.