05:56, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

თანასწორობის ინსტიტუტის დაპატიმრებული ორი წევრი კვლავ საავადმყოფოში რჩება

03.07.2006

თანასწორობის ინსტიტუტის დაპატიმრებული ორი წევრი კვლავ საავადმყოფოში რჩება

თბილისი.02.07.06.მედიანიუსი. არასამთავრობო ორგანიზაციათა კოალიცია „სამოქალაქო საზოგადოება დემოკრატიული საქართველოსთვის“ მოუწოდებს საერთაშორისო ორგანიზაციებს, მოსთხოვოს საქართველოს ხელისუფლებას სინდისის პატიმრების გათავისუფლება.

ლაპარაკია არასამთავრობო ორგანიზაცია „თანასწორობის ინსტიტუტის“ ხუთ წარმომადგენელზე - ირაკლი კაკაბაძეზე, ლაშა ჩხარტიშვილზე, ზურაბ რთველიაშვილზე, დავით დალაქიშვილსა და ჯაბა ჯიშკარიანზე, რომლებსაც, საზოგადოებრივი წესრიგის დარღვევის ბრალდებით, სააპელაციო სასამართლოს თავმჯდომარის ეკა ტყეშელაშვილის გადაწყვეტილებით, 30-დღიანი პატიმრობა მიესაჯათ.

სააპელაციო სასამართლოს ტერიტორიაზე გამართულ აქციაზე „თანასწორობის ინსტიტუტის“ წევრები მეგაფონით სასამართლოს საქმეების ობიექტურად განხილვისა და „პოლიტპატიმრების გათავისუფლებისკენ“ მოუწოდებდნენ.

არასამთავრობოთა კოალიცია საერთაშორისო ორგანიზაციებს ასევე მოუწოდებს, მიმართონ აშშ-ს პრეზიდენტს ჯორჯ ბუშს, რათა მან ზეგავლენა მოახდინოს საქართველოს პრეზიდენტზე, „საქართველოში არსებული ანტიდემოკრატიული რეჟიმის შეცვლისა და სინდისის პატიმრების უპირობო და დაუყოვნებელი განთავისუფლებისთვის“.

თანასწორობის ინსტიტუტის დაკავებული წარმომადგენელთაგან ორი ამჟამად  რესპუბლიკურ საავადმყოფოშია გადაყვანილი. დიაბეტით დაავადებული ირაკლი კაკაბაძის ჯანმრთელობის მდგომარეობა, როგორც "მედიანიუსს" ადამიანის უფლებათა დამცველმა ნანა კაკაბაძემ უთხრა, კვლავ მძიმეა; მკურნალობის მიუხედავად, ვერ ხერხდება ჯანმრთელობის მდგომარეობის, კერძოდ კი სისხლში შაქრის დონის  დასტაბილურება.

რაც შეეხება ლაშა ჩხარტიშვილს, რომელიც ასევე რესპუბლიკურ საავადმყოფოში იმყოფება, აქვს ქრონიკული ჰაიმორიტი და ხშირად მაღალი ტემპერატურა.  ექიმების თქმით, პაციენტის ჯანმრთელობის მდგომარეობა მკურნალობას ექვემდებარება, მაგრამ საჭიროებს გარკვეულ პერიოდს.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC