19:08, Saturday, 22.02.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

უზენაესმა სასამართლომ „თანასწორობის ინსტიტუტის“ დაპატიმრებული წევრების გათავისუფლებაზე უარი თქვა

28.07.2006

უზენაესმა სასამართლომ „თანასწორობის ინსტიტუტის“ დაპატიმრებული წევრების  გათავისუფლებაზე უარი თქვა

თბილისი.27.07.06.მედიანიუსი. საქართველოს უზენაესმა სასამართლომ არ დააკმაყოფილა საჩივარი არასამთავრობო ორგანიზაცია “თანასწორობის ინსტიტუტის” დაპატიმრებული წევრების დაუყოვნებლივ გათავისუფლების შესახებ.

ეს საჩივარი სასამართლოში ორგანიზაციის დაკავებული წევრების ადვოკატებმა: გელა ნიკოლეიშვილმა, იოსებ ბარათაშვილმა, სოფო ჯაფარიძემ და არასამთავრობო ორგანიზაცია “კონსტიტუციის 42-ე მუხლის” გამგეობის თავმჯდომარემ მანანა კობახიძემ რამდენიმე დღის წინათ შეიტანეს.

ისინი თბილისის სააპელაციო სასამართლოს მოსამართლის ეკა ტყეშელაშვილის განკარგულების გაუქმებას ითხოვენ.

“თანასწორობის ინსტიტუტის” ხუთი წევრი: ირაკლი კაკაბაძე, ლაშა ჩხარტიშვილი, ჯაბა ჯიშკარიანი, ზურაბ რთველიაშვილი და დავით დალაქიშვილი თბილისის სააპელაციო სასამართლოს ეზოში 29 ივნისს სწორედ ამ განკარგულების საფუძველზე დააკავეს. მათ ბრალი წესრიგის დარღვევისთვის წაუყენეს.

როგორც “მედიანიუსს” გელა ნიკოლეიშვილმა უთხრა, უზენაესი სასამართლოს პასუხი ადვოკატებს დღეს გააცნეს. “ჩვენი საჩივარი იმ მოტივით არ დაკმაყოფილდა, რომ მოსამართლეს, იმავე ეკა ტყეშელაშვილს, ჰქონდა უფლება, “თანასწორობის ინსტიტუტის” წევრთა საქციელი წესრიგის დარღვევად და სასამართლოს მიმართ გამოხატულ უპატივცემულობად უშუალოდ მას შეეფასებინა. შესაბამისად, დაპატიმრების განკარგულების გაცემაც უშუალოდ მოსამართლის მოსაზრებაზე იყო დამოკიდებული. უზენაეს სასამართლოს დღევანდელ გადაწყვეტილებას არ ვეთანხმებით და მის გასაჩივრებას სტრასბურგის სასამართლოში ვაპირებთ,” - თქვა გელა ნიკოლეიშვილმა.

შეგახსენებთ, რომ “თანასწორობის ინსტიტუტის" ხუთივე წევრს პატიმრობის ვადა 29 ივლისს ეწურება.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ეთანხმებით თუ არა გენერალურ პროკურორად ირაკლი შოთაძის დაბრუნებას?
დიახ არა არ მაქვს პასუხი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC