ლეიბორისტები გოჩა ფიფიასთვის ვიდეოკასეტის ჩამორთმევას აპროტესტებენ
თბილისი.27.07.06.მედიანიუსი. საქართველოს ლეიბორისტული პარტია ორი დღის წინათ კოდორის ხეობაში პარლამენტის წევრის გოჩა ფიფიას დაკავებასა და მისთვის ვიდეოკასეტის ჩამორთმევას აპროტესტებენ.
როგორც ცნობილია, დეპუტატი ხეობაში ცნობილი მოვლენების გაცნობის მიზნით გაემგზავრა და სამოყვარულო ვიდეოკამერით ადგილობრივი მოსახლეობასთან შეხვედრა გადაიღო. დაკავებისას სამართალდამცველებმა მას ვიდეოკასეტა ჩამოართვეს.
“ქვეყანაში მძვინვარებს დიქტატორულ-ტერორისტული რეჟიმი, სადაც არ შეიძლება ვინმე თავს დაცულად გრძნობდეს”, - ასე აფასებს მომხდარს ლეიბორისტული პარტია და პარლამენტის წევრებისგან ითხოვს, რეაგირება მოახდინონ დეპუტუტ ფიფიასთან დაკავშირებულ ამ ინციდენტს.