სიმსივნით დაავადებული პატიმარი გარდაიცვალა
თბილისი.04.08.06.მედიანიუსი. იუსტიციის სამინისტროს სასჯელაღსრულების დეპარტამენტის მსჯავრდებულთა და პატიმართა სამკურნალო დაწესებულებაში დღეს გამთენიისას პატიმარი, 49 წლის კუკური მამულაშვილი გარდაიცვალა.
2005 წლის 14 დეკემბერს დაკავებული მამულაშვილი სამკურნალო დაწესებულებაში 18 დეკემბერს გადაიყვანეს. იგი მეოთხე სტადიის სიმსივნით იყო დაავადებული. ექიმების დასკვნით, ავადმყოფის გარდაცვალების მიზეზი სიმსივნური ინტოქსიკაციის ფონზე განვითარებული გულ-სისხლძარღვთა მწვავე უკმარისობა გახდა.
მამუკაშვილი ნარკოტიკული დანაშაულისათვის იყო დაკავებული.