სპეცოპერაციისას დაჭრილი პატიმარი გარდაიცვალა
თბილისი.06.08.06.მედიანიუსი. სასწრაფო და გადაუდებელი სამედიცინო დახმარების საავადმყოფო „ალსს“-ში პატიმარი, 16 წლის ჯაბა ჯაბანიშვილი ფილტვის არეში ცეცხლსასროლი იარაღით მიყენებული ჭრილობისაგან გარდაიცვალა.
საქართველოს იუსტიციის სამინისტროს ინფორმაციით, ჯაბა ჯაბანიშვილი ბორჯომში 2006 წლის 21 ივლისს, პოლიციელთათვის წინააღმდეგობის გაწევის დროს, საპასუხო სროლისას დაიჭრა. მას 22 ივლისს წინასწარი პატიმრობა შეეფარდა. დაჭრილი სამკურნალოდ თბილისში გადაიყვანეს.
ჯაბანიშვილი ყაჩაღობის ბრალდებით იყო დაკავებული.