ეუთოს მისიის წარმომადგენლებს იარაღით დაემუქრნენ
თბილისი.06.08.06.მედიანიუსი. გუშინ ეუთოს მისიის დამკვირვებლები _ ესტონელი ოფიცერი, მაიორი კრისტ ჯან მორა და უნგრელი ოფიცერი, მაიორი ლასლო კოვარი ქართულ-ოსური კონფლიქტის ზონაში დამოუკიდებელ მონიტორინგს ატარებდნენ.
დამკვირვებლებმა ოსურ სოფელ ტბეთთან ახლად გათხრილი სანგრები აღმოაჩინეს, რომელიც ფოტო ფირზე აღბეჭდეს. მათ ეგრეთ წოდებულმა ,,აპალჩენცებმა~ გზა გადაუღობეს და სოფლის სიღმეში შესვლის საშუალება არ მისცეს. შეიარაღებულმა ოსებმა დამკვირვებლებს სასწრაფოდ ტერიტორიის დატოვება მოსთხოვეს და დაშინების მიზნით ჰაერში რამდენჯერმე გაისროლეს.
მომხდარის გამო დაუყონებლივ შეიკრიბა ერთობლივი მონიტორინგის ჯგუფი, რომელიც შემთხვევის ადგილზე გაემგზავრა. ეუთოს დამკვირვებლებმა კონფლიქტის ზონაში ახლად გათხრილი სანგრების არსებობა დაადასტურეს და შესაბამისი ოქმიც გააფორმეს. მათ მომხდართან დაკავშირებით რუსეთის სამშვიდობო ძალების სარდალს მარატ კულახმეტოვსაც აცნობეს, თუმცა ამ ფაქტს სამშვიდობოების მხრიდან ჯერ რეაგირება არ მოჰყოლია.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
