არასამთავრობოები ხელისუფლებას პატიმართათვის აუტანელი პირობების შექმნაში ადანაშაულებენ
თბილისი.16.08.06.მედიანიუსი. არასამთავრობო ორგანიზაციათა წარმომადგენლებმა დღეს გამართულ პრესკონფერენციაზე ციხეებში პატიმართა აუტანელ პირობებზე ისაუბრეს.
მათი ინფორმაციით, უკვე ერთი კვირაა, რუსთავის მე-6 საპყრობილებში პატიმრები შიმშილობენ. პატიმრები აუტანელ სიცხეში იმყოფებიან, უხარისხო წყლითა და უვარგისი საკვებით იკვებებიან და ავადმყოფობის შემთხვევაში, ექიმის მოთხოვნაც კი ეკრძალებათ.
"თანასწორობის ინსტიტუტის" წევრის, ლაშა ჩხარტიშვილის თქმით, "ე.წ. "სიკვდილის ბრიგადების" წევრები პირდაპირ ქუჩაში, წინასწარ გამიზნულად ხოცავენ ადამიანებს, საპატიმროებში კი ადამიანის სიცოცხლისთვის შეუფერებელი პირობების შექმნით ხალხი ნელ-ნელა იხოცება".