ჟურნალისტების ცემაში ეჭვმიტანილი ჯანდაცვის რეგიონულ ხელმძღვანელი თანამდებობიდან გაანთავისუფლეს
გურიის შრომის, ჯანმრთელობისა და სოციალური დაცვის დეპარტამენტის უფროსი ლევან სკამკოჩაიშვილი, რომელიც გამოძიების მიერ გაზეთ „გურიის მოამბის“ ჟურნალისტების ცემაშია ეჭვმიტანილი, თანამდებობიდან გაანთავისუფლეს.
შრომის, ჯანმრთელობისა და სოციალური დაცვის მინისტრმა ლადო ჭიპაშვილმა ლევან სკამკოჩაიშვილის თანამდებობიდან განთავისუფლების შესახებ ბრძანებას გასულ კვირას მოაწერა ხელი, განაცხადეს სამინისტროს პრეს-ცენტრში.
მათივე განმარტებით, სკამკოჩაიშვილს თანამდებობა ჟურნალისტებთან მომხდარი ინციდენტის გამო დაატოვებინეს.
გაზეთ „გურიის მოამბის“ რედაქციის მტკიცებით, ლევან სკამკოჩაიშვილმა, გაზეთის ჟურნალისტებს 28 ივლისს, საკუთარ კაბინეტში სცემა.
ჟურნალისტების ცემის ფაქტზე ოზურგეთის შს სამმართველოში სისხლის სამართლის საქმე აღიძრა. გამოძიებამ სკამკოჩაიშვილი ეჭვმიტანილად ცნო.
media.ge