თბილისი.06.09.06.მედიანიუსი. `საქართველოს შინაგან საქმეთა სამინისტროს კონსტიტუციური უსაფრთხოების დეპარტამენტის თანამშრომლებმა პოლიტიკური მოძრაობა `სამართლიანობის~ ლიდერის იგორ გიორგაძის მომხრე დაახლოებით 100-მდე კაცი დააკავეს. მათ შორის ზოგი დაკავებულია, ზოგის კი მხოლოდ დაკითხვა მიმდინარეობს', - უთხრა `მედიანიუსს' კონსერვატიულ-მონარქისტული პარტიის თავმჯდომარის თემურ ჟორჟოლიანის ადვოკატმა გელა ნიკოლეიშვილმა.
დღეს საქართველოში იგორ გიორგაძის მხარდამჭერი ორგანიზაციების `სამართლიანობის~, ქრისტიანულ-მონარქისტული პარტიის, მოძრაობა `ანტისოროსისა~ და იგორ გიორგაძის ფონდის ოფისებისა და წარმომადგენელთა ბინებში ჩხრეკა ჩატარდა. ამორებულია კომპიუტერული ტექნიკა და დოკუმენტაცია.
გელა ნიკოლეიშვილის თქმით, თემურ ჟორჟოლიანის ქრისტიანულ-მონარქისტული პარტიის მარტო 15 წევრი დასაკითხად არის დაკავებული და ამდენივე კაცია აყვანილი დასაკითხად სხვა პარტიებიდანაც.