სასჯელაღსრულების დეპარტამენტის ზუგდიდის #4 საპყრობილეში ორმა პატიმარმა მეათე დღეა რაც პროტესტის ნიშნად პირი ამოიკერა. ესენი არიან გერლიანი ზაზა და გვამრიანი ერეკლე.
დაკავებულთა ადვოკატის შორენა სურმავას განცხადებით, მისი დაცვის ქვეშ მყოფი პირები 26 ივლისს საკენში დააკავეს. მათ წაუყენეს ბრალი ავტომატური ცეცხლსასროლი იარაღის უკანონო შენახვაში. დაკავებულები მასთან საუბარში ამბობენ, რომ ისინი ნებაყოფლობით გამოცხადდნენ საკენში სოდ-ის თანამშრომლებთანდა საკუთარი ნებით ჩააბარეს იარაღი. მიუხედავად ამისა, სამართალდამცავებმა ორივე დააკავეს. გერლიანისა და გვამრიანის მდგომარეობა კიდევ უფრო დამძიმდა მას შემდეგ, რაც 14 სექტემბერს გამომძიებელმა ლაშა ყოლბაიამ მათ კიდევ ერთი მუხლით წაუყენა ბრალი- უკანონო შეიარაღებულ ფორმირების წევრობა. შ. სურმავა აცხადებს, რომ ორივე პატიმრის ჯანმრთელობის მდგომარეობა საგანგაშოა. პატიმრები კი არ აპირებენ შიმშილობის შეწყვეტას და ამბობენ, რა ციხეში ვყოფილვართ და რა მოვმკვდარვართო.
ადვოკატმა უკვე მიმართა სახალხო დამცველის სამეგრელოს კოორდინატორს ბაგრატ ქირიას, მაგრამ უშედეგოდ. სახალხო დამცველმა რეაგირების გარეშე დატოვა ეს ფაქტი.
ნატო ბერულავა, ზუგდიდი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
