22 სექტემბერს, მესტიის რაიონის სოფელ ხაიშში, შსს საგუშაგო პოსტზე უბედური შემთხვევა მოხდა. შსს სწაფი რეაგირების ზუგდიდის ბატალიონის თანამშრომელი ბაჩანა კვიკვინია იარაღთან გაუფრთხილებელი მოპყრობის მსხვერპლი გახდა. ( ყოველ შემთხვევაში ამას ამბობენ ძალოვანი უწყებების თანამშრომლები კერძო საუბრებში, ოფიციალური კომენტარი ამ თემაზე არავის არ გაუკეთებია.)
ბაჩანა კვიკვინია 22 სექტემბერს მორიგე იყო. მან ავტომატი მიაყუდა კედელთან და როცა აიღო ჩახმახს გამოჰკრა ხელი. როგორც გაირკვა ავტომატის ლულაში ტყვია იყო და მოხდა გასროლა. ტყვია ბ. კვიკვინიას მოხვდა ყბის არეში, რამაც გამოიწვია მისი დაღუპვა ადგილზე.
დაღუპულის ოჯახის წევრების განცხადებით, ექსპერტიზა ჩატარებულია, თუმცა ისინი ამაში დარწმუნებულნი არ არიან. ბაჩანა კვიკვინია 24 წლის იყო, ჰყავდა მეუღლე და 3 თვის შვილი. ცხოვრობდა ზუგდიდში კრილოვის ქუჩაზე.
ნატო ბერულავა, ზუგდიდი.
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
