თბილისი.27.09.06.მედიანიუსი. შიდსისა და კლინიკური იმუნოლოგიის ცენტრში 26 სექტემბერს პატიმარი, 30 წლის ნუგზარ ჩავლეიშვილი გარდაიცვალა.
ჩავლეიშვილი იუსტიციის სამინისტროს ბათუმის №3 საპყრობილედან, მსჯავრდებულთა და პატიმართა სამკურნალო დაწესებულებაში 18 აგვისტოს გადაიყვანეს, დიაგნოზით: აივ/ინფექცია შიდსი „ც-3“ კატეგორიის, განლევის სინდრომი, მარცხენა მხრივი ჰემიპარეზი, თავის ტვინის მალაცია, თავის ტვინის ქერქის ატროფიული ცვლილებები, შუბლის ძვლის მთლიანობის დარღვევა, ეპილეფსია, ტერმინალური სტადია და „ც“ ჰეპატიტი.
ავადმყოფი შიდსისა და კლინიკური იმუნოლოგიის ცენტრში 4 სექტემბერს გადაიყვანეს. მისი გარდაცვალების სავარაუდო მიზეზი თავის ტვინის შეშუპება გახდა.
ნუგზარ ჩავლეიშვილი 2006 წლის 8 აპრილს ნარკოტიკული ნივთიერებისა და იარაღის უკანონო ტარების ბრალდებით დააპატიმრეს.