ზუგდიდი.23.10.06.მედიანიუსი. ზუგდიდის შესასვლელთან დღეს დილით ტანკსაწინააღმდეგო ნაღმი აღმოაჩინეს. ცაიშის არასრული საშუალო სკოლის მოსწავლემ ნაღმი სკოლის შენობის მახლობლად იპოვა.
ერთი თვის წინათ ამ ტერიტორიაზე რუსეთის სამშვიდობოების თვითნებურად გახსნილი საგუშაგო მოქმედებდა. ზუგდიდელები ნაღმის აღმოჩენას სწორედ რუს სამხედროებს უკავშირებენ.
სპეციალისტების მტკიცებით, ტანკსაწინააღმდეგო ნაღმი გამართული იყო და ხუფის მოხსნის ან მასზე გადავლის შემთხვევაში, აფეთქდებოდა.