თბილისი.25.10.06.მედიანიუსი. რუსეთიდან დეპორტაცია საქართველოს კიდევ სულ ცოტა 60 მოქალაქეს ემუქრება. ისინი საქართველოში მესამე ქვეყნის _ უკრაინის, აზერბაიჯანის ან სომხეთის გავლით დაბრუნდებიან.
რუსეთის საგანგებო სიტუაციათა სამინისტროს თვითმფრინავით სპეცრეისები უახლოეს მომავალში არ იგეგმება, ამიტომ დეპოტირებულებს რუსეთის დატოვება ჩვეულებრივ სამგზავრო თვითმფრინავით მოუწევთ.
მგზავრობის საფასურს რუსეთის ხელისუფლება დაფარავს, მაგრამ პრობლემაა მათთვის ბილეთების შეძენა. ერევნის, ბაქოსა და კიევის მიმართულებით ერთი თვით ადრე ყველა ბილეთი უკვე გაყიდულია და დაკავებული ქართველების ბედი ჯერჯერობით გაურკვეველია.